Jumat, Oktober 22, 2021
BerandaOpiniBanyumasanEnak Banjurna Bae

Enak Banjurna Bae

[Juguran Banyumasan]

ADUH jan, maca banner iklan bakul kecap dadi nggegrek dhewekan, ngasih kel-kelan wetenge kaku. Ora nggegrek kepriwe, karepe ngganggo basa Banyumasan, ning campur aduk kaya gado-gado, ampuuun…

Njajal ngonoh dewaca baen tulisan “Kecap Enak, Manis lan Gurih, Enake terasa sampai gulu”. Walah…! titah ndarani basa Indonesia ana basa Banyumasane. Ndarani basa Banyumasan, akeh tulisan basa Indonesiane.. dadi kaya panganan gado-gado mengkonon.

Ana maning iklan Kripik Gedang, “Krasa Enak Lanjutna Bae”. Jan, juragan utawa bakul kripikke dongen tah pendidikane sarjana, mung besanu gemagusan apa anu sengaja kon dadi keton nyleneh, utawa saking ora ngertine babagan basa daerah (ndean).

Ngakune tah wong Banyumas. Gayanya sok kemlinthi plus kemlungkung, rumangsa ana titele dadi ora tau gelem ngrungokna penemuan wong liya. Ujar-ujare angger sekolaeh wis dhuwur, apa-apa pinter tur dadi kemaki. Ujarmu apa karepmu. Enak temennn…

“Nglendem. Lanjutna kuwe basa Banyumasane “Banjurna”. Lanjut kuwe basa Indonesia,” jere Uwa Dakun.

Ora kapong wa Dakun banget titenne maring basa Banyumasan. Bodho nana wong saben dina kawit klekar tekan tua ngomong nganggo basa Banyumasan, ya apal-kecepal. Apamaning wektu negin nom, gawene kluyuran njajah milangkori maring daerah eks Karesidenan Banyumas uga Karesidenan Pemalang lan Kedu.

Aja salah,, tukang macul nana ora kalah karo liyane babagan basa Banyumasan. Mulane dadi memungsa aja gemede tur keminter. Kabeh menungso duwe wates kepinteran, ora bisa nguasai kabeh ilmu. Kuwe mesti!.

“Ngkana-kanane kemlinthi jebule peh. Kaya ya yaha: “Ratno Kribo nylemod nyemauri wa Dakun.

Karangnangka, 16 September 2020

**

Kang Mul

Lahir dan dibesarkan di Banyumas. Tinggal di Desa Karangnangka RT02 RW03 Kecamatan Kedungbanteng Banyumas. Menulis berita, artikel, puisi atau essai yang telah dimuat diberbagai majalah, tabloid, surat kabar, buletin cetak/online di tanah air.

Kesibukan sehari hari menjadi tukang bibit tanaman buah buah dan owner Kang Mul Nursery Kranggan dan Karangnangka.

Sisi Lain

Berita Populer

error: Konten ini tidak bisa di copy !!
×

Powered by WhatsApp Chat

× Hubungi kami disini