Rabu, Desember 1, 2021

JABURAN

[Juguran Banyumasan]

Ratno Kribo wingi mbengi rampung depijet ning nggene Kang Roso kon medang kopi lawueh karo tales lan angkrik godog. Jan rasane enak pisan. Wis sue ora mangan panganan tanduran ning sawah, pekarangan, kebon utawa alas.

Gemiyen sadurunge ana roti nang saben umah ning kampung akehe panganan sing biasa nggo tambahan nyamikan dejenengi Jaburan. Nyuguh kanca batir tangga teparo padha ngendhong angger langka nyamikane ngaranine wedang kendel.

Wedang kendel tok til mung wedang tok ,apa kue wedang banyu bening,kopi,teh utawa liane. Wis anglehe lan jamak lumraeh wong neng kampung tembunge kaya kue.

Jaburan kue rupane bisa muntul, bodin, jagung ganyong. tales .angkrik.gedangan lia liane. Ana sing degodog degoreng apa deurab nganggo parrudan klapa detambaih uyah.

Bocah saiki ya ora doyan panganan Jaburan.soale akeh banget panganan sing lewih larang lan werna werna rupane.Ana sekang lia daerah uga kang manca negara.

Jaburan saiki wis ora kaya gemiyen maning dadi klangenan wong desa.Biasane angger ana tamu merdayoh maring umah kena nggo mbatiri wenang teh apa kopi sinambi dopokan.

Ning saiki kayane angger kondangan mulai akeh sing nyuguh panganan Jaburan.dibungkus nganggo godong lan ditataki nganggo kertas sega.

Akeh sing pada doyan jaburan soale wong jaman saiki pada mblenger roti .Roti wis dudu barang aneh maning. Saben umah anane toples apa kaleng ibune barang gaweyan pabrik.

Roti apa biskuit desandingna ning meja nggo nguren dayoh deplirik tok mung clegak-cleguk nginum wedang. Pokoke roti mung nggo pepek pepek tok dadi kaya barang museum nggo celengan tok.

Karangnangka 21 Oktober 2020

**

Kang Mul

Lahir dan dibesarkan di Banyumas. Tinggal di Desa Karangnangka RT02 RW03 Kecamatan Kedungbanteng Banyumas. Menulis berita, artikel, puisi atau essai yang telah dimuat diberbagai majalah, tabloid, surat kabar, buletin cetak/online di tanah air.

Kesibukan sehari hari menjadi tukang bibit tanaman buah buah dan owner “Kang Mul Nursery” Kranggan dan Karangnangka.

Sisi Lain

Berita Populer

error: Konten ini tidak bisa di copy !!
×

Powered by WhatsApp Chat

× Hubungi kami disini