Esem Wengi
Dening : Edi Maryono
Atis nyecep awak
Gutul ilat lan lambe
Medang panas krasa anget
Udan angin ndedawa ati
Kelingan jaman narayana
Mlangkah bareng janji tresna kejebur udan
Malah dadi udan tangis
Seban wong tuane ora merestui
Dadi pisah kelawan pasrah
Esem wengi
Kena kanggo nglipu lara
Senajan esih mbelang gela
Pancen nyata
Mendem cinta kaya kentir
Nguwel uwel bantal guling karo njengking
Esem wengi kebek misteri
Mahluk alus sering ngintil nang mburi
Njiwel weteng angger krasa mambu wangi
Purwokerto Kidul, Jum’at 22 Oktober 2021
**
Wedi Disuntik Vaksin
Dening : Edi Maryono
Wedi karo dokter sebab wedi disuntik
Sing kaya kiye kuwe akeh tunggale
Laa wong wedi kondikapakna ?
Wedi ya wedi
Nek dipeksa bisa girapan gila mbengi
Kudune alon alon diwei ngerti
Nek suntik kuwe ora papa ora lara
Kaya dicokot semut
Banjur dicritani manfate suntik vaksin
Ya kuwe kanggo kekebalan awake dewek uga kekebalan kelompok keluarga lan masyarakat umume
Banjur diajak lan dibantu kon gelem melu vaksin
Aja dicritani bangsane hoaks malah ora apik jedadiyane
Ayo vaksin … !
Purwokerto Kidul, Sabtu 23 Oktober 2021
**
Udan – Terang
Dening : Edi maryono
Tutur tinular
Terun temurun mlebu etungan
Tekek moni nggo bedekan
Mbuh sapa sing ndisiti nganti seprene esih digugoni
Tekek … udan …
Tekek … terang …
Kiye guyon maton apa guyon guyonan
Terserah rika sing pada ngrungokna
Nggugu ya olih ora nggugu ya langka sing ngomeih
Udan terang kuwe wis biasa
Anane kedadiane pancen kaya kuwe
Kawit ganu tekan seprene
Dadi bahan crita sing langka pedote
Ujarku apike kaya kiye
Ana udan ya disyukuri
Wondene terang ya uga disyukuri
Sebab loro lorone kuwe rejeki
Kabeh kabeh dibutuhna
Kuwe pasangane kenikmatan
Dadi urip bisa seimbang
Kaya dene awan karo wengi
Purwokerto Kidul, Sabtu 23 Oktober 2021
**
P E T A N
Dening : Edi Maryono
Petan kuwe metani
Wis biasa dilakoni kawit Canggah Buyut lan Nini
Mbuang kewan sing dumunung nyokot nang sirah
Kang aran Kor, Lingsa lan Tuma
Kuwe ngemu sanepo sing apik
Patut lan pantes dilakoni
Kor, Lingsa, Tuma kuwe nemu teges …
Kor … tegese menungsa kon pada koreksi awake dewek
Ndeleng kelemahan uga kekurangane dewek
Lingsa … tegese tansah eling maring sing Masa Esa
Tuma … tegese kon pada nglakoni wektu sing lima
Sholat limang wektu aja nganti ditinggal
Petan
Ngemu filosofi kang adiluhung
Kudu den pepetri lan diuri uri aja nganti ilang ketlindes jaman
Purwokerto Kidul, Minggu 24 Oktober 2021
**
Nglogog Adalah
Oleh : Edi Maryono
Nglogog adalah ngunda lamunan
Melukis khayal
Menggambar awan
Mimpi disiang hari
Yang lalu biarlah berlalu
Tak usah ditarik tarik lagi
Membuang waktu
Sama dengan memburu rindu
Gus Diying bisa merasakan pedih dan pilu
Bila ingat goresan masa lalu
Lidah terlihat membiru
Sebab tak nyumed 234 yang kaku
Mengapa nglogog
Jangan melihat fatamorgana
Munumlah kopi susu pembangkit nafsu
Mengurai asa menggenggam cita cita
Purwokerto Kidul, Minggu 24 Oktober 2021
**
Menikmati Embun Pagi
Oleh : Edi Maryono
Sejuk dingin kurasakan
Dihamparan tanah lapang yang hijau luas membentang
Indah memanjakan mata
Sawah menguning sejauh mata memandang
Betapa nikmat yang kunikmati
Ini hanya sebagian dari bagian yang Tuhan berikan
Betapa besar kebesaranMu
Aku tertunduk malu
Pada keagungan dan kemurahanMu
Sedang ketaatanku jauh dari apa yang Engkau berikan
Melangkah pasrah dengan penuh hangat
Tuhan … maafkan segala keangkuhanku
Purwokerto Kidul, Senin 25 Oktober 2021
**
Pasar Wage
Dening : Edi Maryono
Awan wengi esuk sore rame
Lanang wadon ora tua ora enom umpmrek kaya laron
Kang lor kidul pating jemedul
Kang wetan kulon pada dilakoni sol solan
Pasar Wage
Kawit gemiyen pancen rame
Njaba desa kota pada merek teka
Sebab kebutuhan apa bae ana
Kebutuhan sandang pangan serba ana
Pasar Wage Purwokerto wis kondang saonang onang
Panganan tradional nganti sing jere moderen ya nderet didasarna
Bakyak, sandal jepit, sandal slop, sepatu lan sejenise akeh tunggale
Katok kolor lan serba kolor esih ana
Pokoke Pasar Wage serba ana
Dolanan bocah cacah rucah
Ora bisa ketung jumlah lan akeeh
Pasar Wage
Kenangan gemiyen nganti siki esih ngawe awe
Angger kemutan ya mung bisa ngawet lambe
Ati kangen nganti seprene
Purwokerto Kidul, Senin 25 Oktober 2021
**
S U M U K
Dening : Edi Maryono
Panas sejeroning awak
Rasane kaya dipanggang
Ora kepenak seawak
Kringet netes tanpa gerak
Sumuk
Umpama asu wis ngamuk
Jengkel mbuh sapa sing dijengkeli
Ora perduli
Sumuk kuwe nggo latihan sabar
Mepet hawa panas nggrungsang
Kiye nembe panas awak durung tekan jeroning ati
Angin esih gelem ngipasi
Aja ngudari klambi
Ateges nantang kahanan
Den tusuk angin lemes dayane
Amung bisa sambat sambat tetangisan
Sumuk sejatine siklus alam
Angin gede ora teyeng nggered udan
Dadi panas ora genah
Pikiran pada ditata usah nganah nganah
Lewih becik digawa sholawatan
Insya Allah adem pikirane
Katon padang gemblang jagade
Mlaku lurus bener ora mingser
Purwokerto Kidul, Senin 25 Oktober 2021
**
Kemreki
Dening : Edi Maryono
Kewan sing siji kiye umyek akeeh
Manggon nang wulu ayam utawa nang nggon sing anget anget
Utawa panggonan anget senep nggo guleran
Pating gemruyuk umpel umpelan
Apa enggane awake dewek arep kaya kuwe
Umpel umpelan rebutan pangan ?
Ya ora patut uga ora memper
Ora ana sekat lan aturan urip
Menungsa aja kaya kemreki
Kudu sewu lewih apik
Nduweni watek mandiri lan bisa ngayomi
Nganggo etika tatakrama ora ngidek sepada pada
Kemreki kuwe angel tanggueh
Pangane nunut tekane kaya entut
Nanging tetep ana gunane
Nggo ngapa ? ya ngonoh depikir dewek
Purwokerto Kidul, Selasa 26 Oktober 2021
**
Edi Maryono, M.M.
Penyair lahir di Purwokerto Kidul, 6 Desember 1958.
Puisi puisi dan Geguritan geguritannya dimuat diberbagai media surat kabar dan majalah seperti : Swadesi, Bahari, Flamboyan, Satelit Pos, MOP, Penyebar Semangat, ANCAS, Suara Nahdiyin dan lain lain.
Buku yang telah terbit yaitu : Lumbung Geguritan Sega Indonesia 2019. Antologi Puisi Bunga Bunga Rindu 2020. Duka Ditelan Senja 2020.
Selain mencintai dunia tulis, juga mencintai dunia seni.
Pernah menjadi Ketua II PEPADI Banyumas (2008 – 2011).
Kiprahnya tak hanya didunia seni dan budaya, juga terjun kedunia politik dan Ormas. Diantaranya pernah menjadi Sekjen LSM Kamandaka Purwokerto, Ketua PAC PKB Purwokerto Selatan (1995 – 2019) dan Sekretaris II DPC PKB Banyumas (2013).
Penyair, seniman dan politisi ini, saat ini tinggal di Jalan Pejagalan No.418. RT.03-RW.IV Purwokerto Kidul, Banyumas, Jawa Tengah.
