Rabu, Desember 1, 2021
BerandaOpiniBanyumasanAlumni lan Aluminium

Alumni lan Aluminium

[Juguran Banyumasan]

MBUH jaman aparane dadi ana kedadean sing aneh-aneh. Kewalik jamane, apa jamane sing kewalik yah lur (?). Wong saiki padha wuru polah sing dudu patrape, malah deenggo, malah nggo dadi kareman.

Jan Ora lumrah!

Enggane wong pada demo be gawe alumni. Kayong seneng temen gawe perkumpulan (?). Iloken sing mombengi nonton bareng bal-balan ning Balai Desa Karangnangka ana sing duwe pikiran gawe Alumni (?).

Inyong mandan maras, soale melu nonton. Mbok kereken nang kanca batir sing uteke encer degawe alumni, wong saiki lagi padha demen lan sregep kumpulan Alumni.

Wong ngopi bareng gawe alumni,
Wong metonggo bareng gawe alumni,
Wong madang bareng gawe alumni,
Wong udud bareng gawe alumni,
Wong ngelangi bareng gawe alumni…

Ngasih bujig siraeh angger ngapalna almuni. Lha enggane apa-apa koh degawe alumni.. nden ora kober pahal. Saben dina isine mung kumpulan.

Bali kumpulan tembe tekan lawang umah, ndean bojo karo anakke mecicil mentheng kelek, padha reang ngrewecoh dekroyok wong seumah.

“Ngonoh kumpulan ngasi mlukek. Apa inyong karo bocah-bocah arep dermpani kumpulan,” nden kayakuwe anak-bojo gole moni.

Saking gethette, anak-bojo wis banget kesueh, ngasi kelalen nggawa benthong.. debrengkolang.. apa ora mringgani sih (?). Gawe geger sower sedesa, kulup,,, kulup siraeh kaya klapa kopyor.

Ujarku tah sing dejenengi alumni wong sing tau sekolah utawa kuliah, utawa mondhok ning pesantren. Jaman kemajon kayane.. saking umeb uteke, wong ala mengko dadi akeh ngayawarane.

Inyong blekethir sing pekok ora tau mangan gendheng sekolahan, mung bingung gedheg-gedheg. Tambah dina, tambah minggu, tambah wulan, tambah tahun, tambah mblengeri…

Rika aja padha maido apamaning mecoih, inyong ngertine aluminium, he he he . . .

Karangnangka 10 Desember 2020

**

Kang Mul

Lahir dan dibesarkan di Banyumas. Tinggal di Desa Karangnangka RT02 RW03 Kecamatan Kedungbanteng Banyumas. Menulis berita, artikel, puisi atau essai yang telah dimuat diberbagai majalah, tabloid, surat kabar, buletin cetak/online di tanah air.

Kesibukan sehari hari menjadi tukang bibit tanaman buah buah dan owner Kang Mul Nursery, Kranggan dan Karangnangka.

Sisi Lain

Berita Populer

error: Konten ini tidak bisa di copy !!
×

Powered by WhatsApp Chat

× Hubungi kami disini